Vozač Formule 2 Huan Manuel Korea više nije u komi i sada ga čeka vrlo zahtjevna operacija.
Dvadesetogodišnji Korea je doživio povredu kičme kao i lom obje noge u incidentu na stazi Spa kada je poginuo mladi Antoan Uber.
Mladi Korea još uvijek nije imao operaciju nogu, pošto njegova pluća tek trebaju da se oporave, a njegovo stanje je bilo veoma ozbiljno pošto se tek u petak probudio iz kome.
"Huan Manuel Korea više nije na aparatima i probuđen je iz indukovane kome. Ovo jeste velika vijest i ovo jesu krupni koraci koji vode u pravom smjeru, ali trka sa vremenom tek predstoji. Naš priotet su njegova pluća i operacija nogu, na koju se čeka više od dvije neđelje", poručili su Huanovi doktori.
Njegovo stanje je i dalje "ranjivo", ali više nije kritično. Korea je rođen u Ekvadoru, a odrastao je u Majamiju i trenutno je stanovnik Barselone.
Komentari (0)
POŠALJI KOMENTAR